Hví ikki velja eina kvinnu?

Løgtingsval stendur fyri durum, og vit hava ein søguligan møguleika at fáa javnstøðu á einum løgtingsvali fyri fyrstu ferð nakrantíð. Á kommunuvalinum í 2024 stillaðu fleiri kvinnur upp enn nakrantíð áður til eitt føroyskt val. Av teimum uppstillaðu vóru 60,6% menn og 39,4% kvinnur. Hetta var beint uttan fyri javnstøðumarkið á 60/40. Eingin orsøk er til, at vit á løgtingsvalinum í 2026 ikki megna fulla javnstøðu. So hví ikki velja eina kvinnu og skriva føroyska valsøgu?