Søldarfjørður · 36 ár · Elinnleggjari/stjóri
My number/mítt nummar: 598746

Eg eri 36 ára gomul, eri gift við Poul, og vit búgva í Søldarfirði, har eg eisini eri uppvaksin. Eg fekk sveinabræv sum elektrikari í 2010 og gjørdist løggildur elinnleggjari í 2023. Eg havi starvast hjá El-Teknik sp/f síðan 2014 og havi verið stjóri síðan 2023.

Eg stilli upp til býráðsvalið, tí eg ynski at øll í Runavíkar kommunu hava eina rødd. Eg eri praktiskt anløgd og dámi væl at arbeiða við tingum, sum síggjast og følast, so eg hugsi nógv um til dømis viðlíkahaldi av kommununi. Eg leggi stóran dent á trivnaðin, og mítt mál er at tryggja, at okkara kommuna er eitt stað, har øll vilja búgva.
‍
Eg eri eitt pinkalíti sindur tvør av lyndi og dámi væl at fáa mín vilja. Eg elski at kjakast, serliga um ting eg brenni fyri, og mær dámar væl at finna loysnir saman við øðrum.

Tá vit stilla upp til val, er tað freistandi at peika á manglar og misnøgd, men vit skulu eisini minnast til at gleðast um tað, sum er gott. Tað kann vera gott at steðga á eina løtu og njóta sólglottarnar. Teir hava vit nógvar av í Søldarfirði.