FAMILJUNNAR HAVN

Eg ynski mær eina kommunu, sum setur familjuna fremst. Tað skal vera trygt, gott og mennandi at vaksa upp í Tórshavnar kommunu, foreldur skulu hugagóð kunna koyra teirra børn á stovn og eldra ættarliðið skal vita, at tilboð eru til teirra, um tørvur verður á tí.

Seinastu tvey árini havi eg verið løgtingskvinna og stórtrívist í politikki – og bjóði meg tí fram í býráðspolitikki eisini.

Eg síggi bara fyrimunir við at sita á Løgtingi og í býráðnum í senn. Nógv markamót eru millum land og kommunur, serliga tá tað kemur til míni hjartamál: barnaverndarøkið, dagstovnaøkið, almannaøkið og eldraøkið. Men eisini, tá tað snýr seg um ferðavinnu, skapandi vinnur, mentan, ítrótt og skúlaøkið.

Í Tórshavnar kommunu vil eg:

·       Lyfta dagstovnaøkið. Børn og starvsfólk skulu trívast og mennast við hægri normering, áliti og ábyrgd

·       Økja játtanina til børn við serligum tørvi

·       Skapa góð frítíðartilboð til okkara børn og ungu

·       Tryggja virðilig og virkin eldraár

·       Menna ein fjølbroyttan bústaðarmarknað

·       Eggja til útilív í reinum og grønum umhvørvi

·       Stimbra skapandi vinnur og mentanarlív

·       Stuðla ítrótti og felagsskapum

·       Menna burðardygga ferðavinnu í allari kommununi, alt árið

Eg fegnist stórliga um bæði nýggju stórhøllina og svimjihylin, sum lata upp í næstum. Næst á listanum eigur at vera eitt barnamentanarhús, upplivingardepil og rørsluumhvørvi á Bacalao!

Og sjálvsagt skulu burðardygd og javnstøða vera ein fastur lutur í øllum politikki hjá Tórshavnar kommunu.

Tit frætta meira um hetta og mangt annað á facebook og instagram vangunum hjá mær.

www.facebook.com/liljan.weihe

www.instagram.com/liljanweihe

Liljan Weihe, valevni hjá Tjóðveldi í Havn