Nú farið er undir fyrireikingarnar til løgtingsvalið komandi ár, gevur Demokratia veljaranum møguleikan at hoyra frá kvinnuligum politikarum um, hvat tað í roynd og veru ber við sær at bjóða seg fram í politikki.

Løturnar, tá møgulig valevni fara at hugsa um, hvørt tey vilja stilla upp til løgtingsvalið, eru longu í hondum, og skal kvinnuluturin økjast, er fyrsta kravið, at nógvar sterkar kvinnurøddir vera at hoyra undir valstríðnum.

Í sambandi við vælumtókta átakið Violetti stólurin, sum hevjar kvinnuligar fyrimyndir í politikki, fer Demokratia enn einaferð at bjóða bæði núverandi og fyrrverandi politikarum ein sess í sínum tiltikna, violettalitta fylgisveini. Til høvið verður sett hesum fyrimyndunum nakrar hugvekjandi spurningar um teirra politisku yrkisleið, bæði tá og nú.

Millum spurningarnar til fyrimyndirnar vera: Hví fóru tær uppí politikk? Hvat ella hvør kveikti teirra áhuga fyri politikki? Hvussu var tann fyrsta tíðin sum fólkavald? Hvørjum eru tær serliga ernar av? Og hvørji ráð vilja tær geva øðrum kvinnum, sum umhugsa at bjóða seg fram?

Tann fyrsti tátturin av mongum, sum eru knýttir at komandi løgtingsvalinum, er við Katrini Kallsberg. Katrin sat í løgtinginum fyri Tjóðveldi frá 2015 til 2019.

Á heimasíðuni hjá Demokratia, undir síðuni Violetti stólurin, ber til at lesa svarini hjá Katrini Kallsberg.

Ein røð av politiskum fyrimyndum fara at taka sæti í Violetta stólinum við jøvnum millumbilum komandi mánaðirnar fram til løgtingsvalið.