Eg eiti Barbara Michalina Tausen, og havi eg gjørt av at stilla upp til kommunuvalið á Tvøroyri á felagslistanum – lista T.
Eg eri 35 ára gomul, búgvi í Trongisvági, eri útbúgvin námsfrøðingur og arbeiði sum varaleiðari í barnagarðinum Mýrifípuni á Tvøroyri.

Míni hjartamál eru:

Eg vil arbeiða fyri, at allir borgarar í Tvøroyrar kommunu fáa so góðar umstøður sum møguligt. Umstøður, ið betra um trivnað og umstøður, sum skapa menning. Eisini er tað av alstórum týdningi, at vit skapa eitt so gott samanhald ímillum býráð og borgaran, sum til ber. 
Verði eg vald, vil eg sum tað allar fyrsta arbeiða fyri, at okkara eldru borgarar fáa virðilig kor. Eg vil eisini raðfesta eina tryggari skúlafarleið við fleiri busskýlum, og so vil eg eisini arbeiða fyri, at ein nýggjur fólkaskúli verður bygdur.